الدنيا غدارة يا بوي!".. مش الدنيا وبس..
كمان اللي بنحبهم أوقات كتيرة بيطلعوا "غدارين ياماي"!.. سيبكم من اللي يقول المسامح كريم والحاجات دي..
أُمال دموعك اللي غرقت المخدة -وخلت أهلك يشكوا في إنه حصل لك ارتداد للطفولة ملهاش تمن؟..
تسوى إيه وقفتك في البلكونة طول الليل - في عز طوبة- لغاية ما جالك "إنفلونزا الطيور"
وإنت بتبص للقمر والنجوم وبتفكر في حبيبك اللي خانك وبعد عنك..
تسوى إيه نظرة العطف والإشفاق اللي أصحابك بيبصوا لك بيها وهما يمصمصوا شفايفهم
ويقولوا "لا حول ولا قوة إلا بالله .. الواد/ البت،اتقلب/ اتقلبت!"..
دعونا ننتقم.. العين بالعين والسن بالسن.. والقلب بالقلب.. والبادي.. يا ويله يا سواد ليله
---------------------------------------
الطريقة الأولى
بعد أن عرفت أن حبيبتك تخونك مع "سيد أبو ضبة" وتسهر معه حتى الثانية صباحا في كافيتريا "أم السعد"..
عليك بتتبع أثارهما.. ستعرف أن "أبو ضبة" يوصل حبيبتك حتى باب عمارتها -شوف البجاحة يا أخي
جميل جدا.. اذهب أنت إلى العمارة قبل الميعاد المعتاد بدقائق محدودة..
وانتظرها في الدور الثاني بعد أن تكون قد اتفقت مع"الجعبيري" صديقك اللدود أن يقبع بدوره في بير السلم بجوار مفاتيح الكهرباء
فور أن تصعد حبيبتك أول درجات السلم على "الجعبيري" أن يفصل الكهرباء عن العمارة كلها..
الآن تصعد هي السلم.. "الجعبيري" يلقي بسيجارة البانجو يوووووووووة آ.. آقصد المارلبورو في الأرض وهو ينفث هواءها عاليا..
ثم يجذب مفتاح الكهرباء فينقطع التيار عن العمارة كلها..
في نفس اللحظة التي ستقفز فيها أنت في وجه حبيبتك الخائنة
وأنت ترتدي ذلك القناع الشهير الذي ظهر في فيلم
"Scream"
وتقول لها بأعلي صوتك"عووووووووووو"
الأكيد أنه سيغمى عليها من الفزع وستسقط على السلم..
أخرج بعدها تلك الورقة من جيبك واكتب عليها "سأعود... هع هع هع!"...
أيوه لا تنسي أن تكتب "هع هع هع" في الورقة
سيكون لها تأثير مرعب
ولو عجبكم الموضوع ولقيت تفاعل و ردود حاجيبلكم الطريقة الثانية ....
تحياتى
الإثنين مارس 16, 2009 6:42 pm dody