((((( لاتبكي عالزمن اللي فات))) قصيدة من تأليفي

جيبتلكم انهاردة قصيدة جديدة من تأليفي

بعنوان ((((( لاتبكي عالزمن اللي فات)))))))

لاتبكي عالزمن اللي فات
وأبكي اللى آت
أبكي زمن المعجزات والانبياء
أبكي كما بكت السماء
فالناس الآن بتبكي عالأحياء
ولاعدش حد يبكي عالأموات

شتان مابين بني الانسان ...والأنسان
ومابين جزا الأحسان.....والأحسان
وعشان نكون فالحسبة والحسبان

كلمتنا تلقاها حدا المجانين
والهمة عند ............تنابلة السلطان

سلطان زمانك ياللي ما اتخيرش
أثبت محلك,,,,,,,أو سريعا مارش
وعشان ماتتحيرش....ما تفكرش فاللي جاي
ريح وأشرب شويه شاي وأتكيف
وأفرش متاع الصبح وأتأيف
والحق ربيعك.....................قبل ما يصيف ....ويتزيف على الموضة

حيث اللي فات ما يبقالوش عودة
والغلطة ماتبقاش مردودة
ولا عدش يلزم للعيوب أوضة .......ولا حجرة
من يدفع الأجرة ينل غرضوا
فالحكما قبل العيانين مرضوا
والاوليا والانبياء انقرضوا
ولا عدش لينا حق نعترضوا على عيبة
ما طول ما الأمور سيبة
والخيبة بالويبة .......أشكالا والوانا
وبدأنا نرمي عالزمن بلوانا
وهو البريئ من كل ماكان
وان كان في زمانا عيب
(( فما لزماننا عيب سوانا))

شعر..........................................مصطفى طاهر

راااااااااااااااااااائع

شكرا لمرورك وواضع تفاعلك ومجهودك فالمنتدى الله ينور عليك

ودايما بأذن الله حرفع لكوا عالمنتدى كل جديد سواء كان شعر او اغنية جديدة ليا
ومشكور مرة تانية

جميييييييييييييييييييييييل جدا

Admin

زى معودتنا يا مصطفى على الشعر الجميل

دى برضة جميلة

و أنا منتظر الأحسن ...... ( إللى أنا قريتة قبل كدة)

» البغبغان قصيدة للشاعرة ايمان البكرى

(((((**** لاتبكي عالزمن اللي فات****))) قصيدة من تأليفي

((((( لاتبكي عالزمن اللي فات))) قصيدة من تأليفي