اسئلة خاصه عن الحب

قد لاتكتب خاطرة
ولا تحفظ قصيدة

ولكن قد يكون بداخلك العديد من الأسئلة العاطفية الجميلة

والكثير من الإجابات المنطقية التي تراها واقعية

لذلك رأيت فكرة هذا الموضوع وأعجبتني


ففكرة هذا الموضوع جميلة ورائعة

وهي عبارة عن أسئلة خفيفة تدور في ذهن كل منا
ويجيب عليها العضو الذي يليه بإجابة مختصرة

ثم يضع سؤالا ليجيب عليه العضو الذي بعده

فستكون أسئلتنا كلها خاصة بمشاعرنا

وانا مش حسال غير لما اعرف ان الفكره اعجبتكم

والله انا شايف انو موضوع كويس

موضوع حلو اوى يا غاده وتسلم ايدك وانا هكون اول واحده تسال
ايه رايك ف الحب ال يخليك تخسر صداقه الانسان ال حبك بمعنى ان شخص حبك وهو صديقك وحبه ده خلاكو تخسرو بعض كاصدقاء لان مش هينفع تكونو احباب .......... تعمل ايه

انا رائى ان ممكون تكونو اصدقاء بس صعب تكونو زى الاول بس مينفعش تخسرو بعض لان بينكم مشاعر نبيله وان الصداقه ديه مش مكانه قليله ده سعات الصديق بيعرف اسرار ميعرفهاش الحبيب
سؤالى لو حبيت انسان وجرحك مره وسمحته وجرحك تانى اكتر من الاول فسابته وبعد وقت لقيته محتجلك قوى كحبيب
تعمل ايه

ايه رايك ف الحب ال يخليك تخسر صداقه الانسان ال حبك بمعنى ان شخص حبك وهو صديقك وحبه ده خلاكو تخسرو بعض كاصدقاء لان مش هينفع تكونو احباب .......... تعمل ايه


انا شايفه ان مدام الصداقه قلبت بحب من تجاه صعب انه يعتبر الشخص التانى صديق بعد كده بس مش لدرجه ان كل حاجه تنتهى و يخسروا بعض فاكييييد متنتظريش من الطرف الاخر انه يرجع يعتبر كصديق

سؤالى لو حبيت انسان وجرحك مره وسمحته وجرحك تانى اكتر من الاول فسابته وبعد وقت لقيته محتجلك قوى كحبيب
تعمل ايه


الى يجرح ميبقاش عرف معنى الحب مدام جرحك يبئى محبكش ومش مره واحده طبعا بتختلف عن اسباب الجرح ده هل كان متعمد ف كده ولا كانت ظروف غصب عنه فى حكايه انه بعد كده احتاجك هل ممكن تسمح وتنسى جرحه وترجع تانى كان فين الشخص ده لما اتسبب ف جرح والم لحد حبه وبعد كده يرجع يحتاجه وحتكرر الحكايه مره تانيه بعد الاحتياج ده مينتهى انا شايفه ان مينفعش يبئى ف رجوع مره تانيه بعد الجرح مرتين

دى وجهه نظرى ف الموضوع

انا بئى سوالى ايه رايكم ف الحب عن طريق النت وهل ده يعتبر حب ولا مجرد وهم ........؟؟؟؟؟؟؟؟؟؟؟

انا شايف ان حب النت ده مجرد ارتياح بين الطرفين من كتر الكلام والحكايات اللى بيقولوها و كمان بيبقى بعدين فى شك فى كل طرف ان الطرف التانى يكلم اى حد تانى بكل سهوله زى مكلمه
واحنا سمعنا كتير عن الحب من اول نظره انما الحب من غير ولا نظره معتقدش ان ده يبقى حب
سؤالى مين شايف ان الحب ده قدر ومين شايف ان الحب بأيد الانسان وبتحكمه

انا شايفه ان الانسان مش بيختار الانسان ال بيحبه يعنى يعتبر قدر بس من الممكن انه يقدر يتحكم ف قدر الحب تجاه الشخص ده

اما سؤالى فهو حبيت شخص والشخص ده كان بيحب اعز اصدقاءك بس الموضوع انتهى بالنسبه للاتنين تكمل ف حبك ليه وهو كمان ولا تبعد عشان صاحبك؟

لو بتحب شخص وهو مبيحبكشى او متعرفشى شعوره وهو ميعرفشى انك بتحبه حتعمل ايه ؟؟؟؟؟؟؟؟؟؟؟؟؟؟؟؟؟؟


لو بحب حد مش بيجبنى دي صعبة اوى على الشخص نفسة فحجاوب على النص التانىة من السؤال




لو ما اعرفش شعورة أحاول من الكلام ابينلة انى مهتم بية ومن طريقة رد فعلة حعرف شعورة اما حيصدك


او حيتقبل كلامك ودة حيسهل المهمة انك تفاتحة فالموضوع على طول وتبقى ضامن بنسبة كبيرة الاجابة



سؤالى بقى................ لو حصلت مشكلة بين اعز صاحب ليك وحبيبتك تختار مين بصراحة.......؟ ولية؟

انا هختار اعز صديق لانى انا شايفه ان الصداقه صعب جدا انك تلاقيها تانى والحبيب ممكن تعوضه وتلاقى الانسان ال يحبك

فييين سؤالك يارونى

[b]
ولان مفيش سؤال فحرد عالسؤال الأخير

طبعا الصديق قبل الحبيب

لاننا بنعيش حياتنا كلها بندور ع الحب الصادق ممكن نلاقيه وممكن منلاقهوش

لكن لمابنلاقى الصديق الصدوق مينفعش التخلى عنه مهما كان الظرف


اما سؤالى

[/b][b]





لو جاه حبيك وطلب منك البعد من غير اسباب ومش قادر يقول ع السبب؟

حتعمل ايه