مؤلف قادة تجارة
 |  موضوع: ((( أشتوت يا أمجاد الكلام أشتوت))  الإثنين مارس 23, 2009 5:27 pm | |
|  ((((اشتوت يا امجاد الكلام اشتوت))) سكووووووووووووووت...تفتكرو ممكن أى صوت
يقدر فى جار الحيط بفوووووت
والحيطة رغم الحيطة .......آيلة للسقوط
أشتوت يا امجاد الكلام اشتوت
جميز بلدكم عاد بيطرح توت
يكونش عجز وأنحنى ودكر.... ولا عدش بيبكر
وختنتم الأنثى إلي مذكر ومخلتوش جميزة بنت بنوت
أشتوت يا امجاد الكلام اشتوت
أشتوت ياقطر البضاعة
يأبو الحصانة و...والمناعة
أزى حال الجواعة فالعالم المسخوط
أشتوت حديث المدينة
لعب ولهو وزينة
آة من ولاد الذين فالشارع العكروت
أشتوت يا امجاد الكلام اشتوت
...........................................
وبحيث مصيري بحبكم مربوط
فماليش شروط متحددة...
غير نصفى زي قطرات الندى
نبني حياة متفردة متجددة
ماتكونش آيلة للسقوط
نبوت ابوية كان يعور الف
وجها لوجة مانكسرلوش انف
عشان ماكنش بينطعن من خلف
ولا كانش ياكل مالكلام البلف والمهموز
نبوت ابويا رغم انة عجوز
لكن لسة جامد وصاحب نفوذ
وصاحب كرامة وصاحب مهاية
كان لما يقعد في حجرة احتوانا
واذ هبت الريح فسدرة توانا
وكان لما يحكي يقول بالأمانة
ماقلت نسورنا وكترت حدانا
لكن لسة يابنى حدانا وحدانا
وخيرنا مدانا وتبت يدانا
اذ كنا نقعد ونضربها بوز
يابنى دور حتلقى الكنوز
واول ما تقدر تفك الرموز
وتدعي المداعي لحفل المراسم
حتلقى اللى جالك فرزقك يقاسم
وسمسم وقاسم وفرقع......ولوز
وعالم آجارك ,,,,,,,,,,,,,,,,,,,,,,,,,,,
فتقرى تبارك الى قل اعوذ
وشرق وغرب وأسأل مجرب
تعلم تدرب الى ان تفوز
الى ان تفوز رغم عن انفهم
فبينى وبينكم محدش فهم
انى اللى ما يجوزش فى عرفهم
حدانا فى عرف الحبايب يجوز
شعر/ مصطفى طاهر
| |
|
leader zien
| | موضوع: رد: ((( أشتوت يا أمجاد الكلام أشتوت)) الخميس مارس 26, 2009 7:32 pm | |
| جامد يا ابنى الله ينور كمل يا ابنى ومتزعلش على السمر اللى ضاع المهم انك عملت اللى عليك وانبسطت  | |
|
suzan saied
| | موضوع: رد: ((( أشتوت يا أمجاد الكلام أشتوت)) الثلاثاء مارس 31, 2009 10:59 am | |
| يا اللــــــــــــــــــــــــــــــــــه
جميلة جدا
فوق الرائع يا مصطفى
والله ملهاش حـــــــــــــــــــــل
ودي ممكن تتحور وتدخل في زجل
أقولك لينا قاعدة فيها
بس في منتهى الجمال بجد يا مصطفى | |
|
shico
| | موضوع: رد: ((( أشتوت يا أمجاد الكلام أشتوت)) الثلاثاء مارس 31, 2009 5:42 pm | |
| القصيدة دى جامدة مووووووووووووووووووووووووووووت
الله ينور مش جديدة عليك | |
|
