مين اللى قال والكلام هيفيد بأيه
لما للحياه تبقى محال والموت كله بيجرى عليه
لما ملقيش حد ملوثش الدم أديه
لما شعر الطفل شاب والعيون ترفض تنام وصرخه ام على ولادها ماتو ادام عنيها من الالام
هيفيد بأيه الكلام
من اول مالاخ قتل اخوه والغيره عمت عنيه
وبقا فينا اللى اتقتل علشان معرفش يقتل اللى يعاديه
واللى جاى يموت فى ارض عمره مكان يعرف لها طريق
وبقى فى نهر دم دم غاصب ومعاه دم الشهيد
هيفيد بأيه الكلام
كان فى شئ جوانا وراح اسمه الامان
من كتر ظلم وجشع ضاع مننا الحنان
ومفيش نهايه علشان يبتدى اللى راح فى الايام
ولاحد فينا هيردى يكون مغلوب ولازم يكون فى الكسبان
هيفيد بأيه الكلام